سياسة الخصوصية

آخر تحديث: 27 سبتمبر 2026

نحترم خصوصيتك في تطبيق «قوالب» (qawalib.net). هذي السياسة توضح وش البيانات اللي يتعامل معها التطبيق وكيف.

باختصار

التصميم والتصدير كله يصير على جوالك. ما نرفع صورك ولا أصواتك ولا تصاميمك لأي خادم.
ما نبيع أي بيانات. النسخة المجانية فيها إعلانات من Google AdMob، ومشتركين «بلس» ما يشوفون إعلانات.

البيانات اللي تبقى على جهازك

التصاميم: النصوص والإعدادات اللي تكتبها تنحفظ على جهازك فقط.
الصور والأصوات: لما تختار صورة من ألبومك أو مقطع صوتي، يستخدمها التطبيق داخل جهازك لتجهيز التصميم، وما تنرسل لأي مكان.
تسجيل الدخول مع Apple (اختياري): لو سجّلت، نحفظ اسمك وبريدك اللي ترسله Apple على جهازك فقط.

الإعلانات (Google AdMob)

في النسخة المجانية نعرض إعلانات عن طريق Google AdMob. لعرض الإعلانات وقياسها، ممكن تجمع Google معرّف الإعلانات في جهازك، وموقع تقريبي (من عنوان IP)، وبيانات عن التفاعل مع الإعلان وأداء التطبيق وسجلات الأعطال. في آيفون نطلب إذنك قبل التتبّع، وتقدر ترفض. وفي أوروبا نطلب موافقتك قبل الإعلانات المخصصة. تفاصيل أكثر في سياسة Google.

تقدر توقف الإعلانات المخصصة من إعدادات جهازك، أو تشيل الإعلانات كلها بالاشتراك في «بلس».

الأذونات

الصور: لاختيار صورة تضيفها للتصميم، ولحفظ التصاميم والخلفيات والملصقات في ألبومك.
التتبّع (آيفون): اختياري، لعرض إعلانات تناسبك.

المشتريات والاشتراكات

الدفع يتم بالكامل عن طريق App Store أو Google Play. ما نستلم ولا نحفظ أي بيانات دفع. المتجر يرسل لنا بس تأكيد إن الشراء تم عشان نفتح لك المزايا.

حذف بياناتك

تقدر تحذف حسابك وكل تصاميمك من داخل التطبيق: حسابي ← حذف الحساب. وحذف التطبيق من جوالك يحذف كل بياناته.

الأطفال

التطبيق موجّه للبالغين، وما نجمع بأنفسنا بيانات عن أي شخص.

التواصل

لأي سؤال عن الخصوصية: support@qawalib.net